في تواصل مع هاته التدوينة (هنا)... و لمن يرغب في الإطلاع على مزيد من المعلومات، يمكن زيارة مجموعة الفايس بوك المعدة للغرض (هنا)... و كذلك موقع الحملة (هنا)

صديقي المدون.

يسعدنا لو كان تشارك معانا في حملة تدوينية جديدة سميناها "المرصد الإفتراضي للإنتخابات"

الفكرة ساهلة ياسر، ابتداء من عشرين سبتمبر، إذا كان توافق تشارك معانا في هالحملة، مطلوب منك تنشر مواضيع تخص الإنتخابات التونسية. تعليق على خبر قريتو، رايك بعد اجتماع حضرتلو، تعليقك على مقال والا برنامج تلفزي... إللي هو ! المهم مواضيع تخص الإنتخابات... والأهم من هكة، تعليقك على مختلف البرامج الإنتخابية متع الأحزاب المشاركة في الإنتخابات.

من 11 إلى 23 أكتوبر باش تصير الحملة الإنتخابية في تونس. المقالات اللي تكتبها في الفترة هاذيكة تنجم تتناول بالتحليل والتعليق رؤيتك لمشاركة الأطياف السياسية للحملة، مدى ظهور المعارضة في التلفزة والجرايد ... إلخ.

مطلوب منك زادة، إذا كانت عندك الرغبة، تحكيلنا بالتفصيل كيفاش مشيت تنتخب نهارة إلإنتخابات (إذا كان مشيت). فماش حاجة لاحظتها واستغربت منها، كيفاش تم استقبالك، كيفاش انتخبت، آش قالولك... إذا كانك عندك صيفة مراقب وإلا شاركت في الفرز، يهمنا ياسر تحكيلنا كيفاش عشت النهار هاذاكة، آش شفت بالضبط، وآش عملت...

الهدف متاع الحملة ماعندو حتى علاقة بالسياسة، الناس اللي باش تشارك فيها تنجم تكون معارضة، مع السلطة، بلاش راي، ضد الإنتخاب أصلا...إلخ. نطلبو منك، إذا كان تحب تشارك، تحكي الأحداث كما هي، بلا زيادة ولا نقصان، اللي صار صار...

حاجتين باش يجمعونا في هالفترة هاذي :

ـ حبنا لتونس
ـ رغبتنا باش نكونو شاهدين عالعصر وعلى الحدث هاذا بالذات

مافمة حتى صنصرة على الأفكار السياسية اللي ممكن تعبر عليها في مقالاتك. "المرصد الإفتراضي للإنتخابات" ماهواش جمعية، ماهواش حزب، ماهواش منظمة من أي نوع كان. نحن تجمع متع مواطنين توانسة، أكهو.

كيف تحط اللوغو متع الحملة يعني أنك توافق عاللي قريتو تو في التدوينة هاذي، واللي هو ننجمو نعملوه ميثاق للناس اللي مشاركين في الحملة هاذي.

ملاحظة : المشاركة تنجم تكون بالعربي، بالدارجة... وإلا باللي تحب ! وتنجم تكون في شكل صور




لكل من يرغب في إضافة الشعار للمدونة متاعو



<a href="http://tkharbich.blogspot.com/2009/09/blog-post_18.html">
<img src="http://i27.tinypic.com/2n1w2kk.jpg"/>
</a>


Mise a jour:

une copie francisée du logo de l'observatoire virtuel des élections:


Pour ceux qui veulent ajouter le logo à leurs blogs:



<a href="http://tkharbich.blogspot.com/2009/09/blog-post_18.html">
<img src="http://i37.tinypic.com/21b5do6.jpg"/>
</a>


كتبهاالبرباش على الساعة 14:44

تعليق khanouff ...

Bonjour mon ami, est-il possible d'avoir cette bannière de l'observatoire virtuel des élections francisé et ce pour donner plus de rayonnement à cette noble action citoyenne.
Merci pour ta compréhension.

18 سبتمبر، 2009 4:00 م

تعليق abounadhem ...

صحيح برباش الكلام اللي قالوا كانوف لازم تعملو واحد اخر بالفرنسوية واخر بالانقليز
عندي ملاحظة اخرى كان ممكن تلونو زادة

18 سبتمبر، 2009 4:03 م

تعليق البرباش ...

@ خنوف: الله يبارك يا خويا... في أقرب فرصة إن شاء الله

@ أبو ناظم: الفرنسيس و الانقليز مقدور عليهم يا خويا، انجموا نزيدوا الطليان و الالمان و الشنوة زادة لو كان لزم

اما بالنسبة للتلوين متاع اللوقو، يظهرلي الحكاية صعيبة شوية على خاطرو اتخدم م الأول على أساس انو يكون اكحل و أبيض.

تحبشي نخلّيلك العين اللي فيه ترمّش... غير اطلب برك

18 سبتمبر، 2009 9:47 م

تعليق غير معرف ...

حديث التراكن

19 سبتمبر، 2009 1:13 م

تعليق brastos ...

النكرة الاخير

وقت اللي تاقع ممارسة الوصاية و احتكار وسائل و منابر الاعلام .. و في صورة تمويه الحقائق و تزييفها ..تصبح "التراكن" هي اوثق و انزه مصدر للمعلومه

5 نوفمبر، 2009 4:43 م