skip to main |
skip to sidebar
الثلاثاء، جويلية 26، 2011
|
لأنو التصويت... لا يعني أننا نرشح الأفضل ضرورة، بل أننا ع الأقل لا نمنح أصواتنا للأسوأ.
لأنو الانتخاب... حق قبل ما يكون واجب . لأنو التقييد... لا يعني أنك مجبور بش تمشي تنتخب. لأنو التونسي... ما يتفكّر التسبيح كان ليلة الرعد لأنك قد تكون (كيفي) موش فاهم توة، أما يمكن (يا ذنوبي) يجيك نهار و تفهم... كان ما تقيّدش توة، نهارتها ما تنجّمش تننخب. لحد الآن مازلت ما قررتش شنوة الحزب اللي قد نرشحو في انتخابات المجلس التأسيسي اللي قد تصير في 23 أكتوبر 2011... و عندي شبه قناعة اللي أنا بش نقوم نهارتها الصباح و نقصد ربّي لمركز الاقتراع اللي اخترت أنو يكون المدرسة الابتدائية اللي قريت فيها (رغم اللي ثمة زوز مراكز اخرين أقرب للدار) و انا ما عندي في مخّي حتى قرار لأي ليستة بش ننتخبها... و بش ناخو الأوراق الكل، و ندخل للخلوة نقعد نغزرلهم، و في لمح البصر نغافل روحي و نحط ورقة فيهم. و أغلب الظن عندي أنّي موش بش نكون مقتنع برشا بالقايمة اللي رشحتها... لكني بش نكون مقتنع ع الأقل بالقوايم اللي ما رشحتهاش. و خاصة لأني في الأول و الآخر، ما نحبش نعطيهم الفرصة أنهم ينتخبولي. |
كتبهاالبرباش
على الساعة
05:00
|
|
الاشتراك في:
تعليقات الرسالة (Atom)
|