|
الأربعاء، ماي 13، 2009
|
|
بعد اكثر من ساعتين و نصف و انا نحاول في الكونكسيون بش نبعث فيشيي (416 kilo octets)... على غير فايدة.
 الجيمايل (X)، الياهوو (X)، الهوتمايل (X)، الفري (X)، حتى م السرفيس مايل متاعهم (هنا) رفض انو يبعث الفيشيي المحنون. حاولت مع البعض م السيرفيرات اني نقوم بإرسال الفيشيي... على غير فايدة. الوخيّان (اللي المزوّد متاعهم توبنات طبعا) اللي يستعملوا في بعض اللوجيسيالات كيف Outlook و Thunderbird لإرسال و استقبال البريد الإلكتروني، اكيد انهم تعرضوا مؤخرا لمشاكل في استعمال منفذ الـ SMTP الخاص بالتوبنات (smtp.topnet.tn:25)اللي يستعمل لإرسال الإيمايلات... مشاكل من نوع انو الكونسكيون مع السيرفر يلزمها باسوورد، او ثمة مشكل و الله اعلك بيه شنوة هو، اتصل بيهم توة يقولولك، او انو يبانلك اللي هو الفيشيي اتبعث، و يمشي في بالك انها الأمور الكلها في العنبر... تحلم، لو كان عندك الزهر، يوصل بعد ساعتين او ثلاثة، حسب الوقت اللي بعثتو فيه. نستعمل في الـ Thunderbird عندي فوق الثلاثة سنين، و الله غالب، قدّر عليّ ربي أني نكون من حرفاء التوبنات حتى من قبل ما ندخّل الـ ADSL... و اول مرة يعترضني المشكل هذا، حتى عملت تبربيشة صغيرة خفافي، ما لقيتش حتى حل مطروح للحكاية. عاد نرجع للفيشيي، كيف فاض بيّ سايي، و كلات بعضها بالتليفونات، حتى انّي خممت نهبط باللواج للسيد اللي يستنى في القضية متاعو و نسلمهالو يدا بيد (يبعد عليّ 60كم فقط، يعني ساعة مشي و ساعة جَيْ)... و بعد ما حاولت نطلب السيرفيس على غير ما حب حد يهز عليّ (و احسن أنهم ما كانوش موجودين، خير م اللي يجيني هاك الطفلة و إلا الطفل المتربّي و يقعد يفهّم فيّ كيفاش نحل الروتور و نسكرو و نحط الإيبي و نعمل ديسكوناكت، و نتفقد خيوط التليفون بالك ڤدمهم الفار، و في الآخر يقوللي انو مشكلتي مع التيليكوم)... .  بعثت الريكلاماسيون (المحترمة) هذي لجماعة التوبنات (عبر الموقع متاعهم طبعا) في وقتها (آمس مع الخمسة متاع العشية) a propos cette merde connexion... depuis 13h00... j'essaye d'envoyer un fichier de 400 kilo octets est-ce que c logique ça???? ça fait longtemps que votre service devient de plus en plus mediocre... ولّيتو كيف الفليّو... كل نهار تزيدوا عقدة نلقاهم اليوم (بعد قريب الـ 24 ساعة) مجاوبينني بما يلي: Cher Client, Nous vous remercions d'avoir contacté le support technique TOPNET. Faisons suite à votre mail , nous vous informons que votre débit actuellement est 512 ko vous pouvez le savoir à partir de l'interface de votre modem sinon à partir de téléchargement vous devez avoir un taux de transfert lors de téléchargement entre 40 ko et 55 ko . Nous espérons que les informations fournies répondent à vos attentes. Veuillez agréer, Monsieur, nos salutations les plus distinguées. Cordialement, Support Technique TOPNET ههههههه، وصلت المعلومة، يعطيكم الصحة ع الإفادة... و إن لم تستح، فافعل ما شئت. ملاحظة أخرى: بالله ثماش شكون وصلتلو الفاتورة متاع التيليكوم؟ |
|
كتبهاالبرباش
على الساعة
01:18
|
|
الاشتراك في:
تعليقات الرسالة (Atom)
|
عـــــــــــالمية الاجابة متاع توبنات الموقرة!! يعني واضح عملو مجهودهم باش يفهموا المشكل متاعك واهوك الحقّ يقال اعطاوك الاجبة اللاّزمة... برجولية يا البرباش يا خويا ربّي يصبّرك!!! تعرف انا عرفت آش معناها "تدفق عالي" وانترنات نهارت اللّي جيت لفرنسا
Salem
bsara7 akthar men ha de9a ma tal9ach hhhhhhhhhh
ejmé3a 3amlin majhoudhom bech ta3ref el vitesse de débit elli
3andek w yfassroulek kifech ta3rfou w enti mech 3ajbek!!!!!!!!!!!!!!!!! 3ib 3lik matssawartéch mennek :))))))))))))))))))))))))
7asilou el 5edma tji hakka wela la, hawka fi 24h jéwbouk zeda ;)
Fatouret etélécom el tawa nestanna féha zeda mawsolni chay w ya 5oufi tjini m3a el 3érs :((((((((((
je suis aussi chez Topnet. J'utilise aussi Thunderbird et j'ai déjà rencontré ce genre de problème. Il y a une astuce pour te dépanner en attendant qu'il réparent leur serveur. Il suffit de remplacer dans le panneau de configuration de Thunderbird l'adresse du serveur smtp (smtp.topnet.tn) par celle du serveur pop (pop.topnet.tn). Cela te permet d'envoyer tranquillement tes fichiers.
ça ça m'a fait péter un cable une fois : احسن أنهم ما كانوش موجودين، خير م اللي يجيني هاك الطفلة و إلا الطفل المتربّي و يقعد يفهّم فيّ كيفاش نحل الروتور و نسكرو و نحط الإيبي و نعمل ديسكوناكت
J'avais une livraison à faire, et ma question était claire : est ce qu'il y a un problème de connexion oui ou non ?? Si oui, merci de me le dire que je reparte au bureau sans perdre de temps ...
J'ai passé une demie heure au tél avec un conard qui s'est permit des familiarités dans le genre m'appeler Mariouma, comme si on avait déjà gardé les chevres ensemble .. ou encore me dire "Wallah ta3mil illi nkollik tarja3 il connexion"
Il m'a fait réinitialiser le modem 3 fois .. en me demandant comme si j'étais une demeurée finie si j'ai bien cliqué sur OK..
Le stress et la rage m'ont fait dire des choses que j'avais pas l'habitude de dire .. les voisins à 4 blocs à la ronde m'ont entendu crier !!!
NE JAMAIS APPELER LE SUPPORT TECHNIQUE !!!
MAlla reponse .En tunisie je suis cliente Topnet et je les ia deja appele plusieurs fois a propos de problemes de connexion et a chaque fois j ai eu des repponses de ce genre . On me parlait comme si j ia jamis utilise internet ou un ordinateur . Ils osnt payer pour faire cela . J ai deja fait des formations pour travailler dans des centres de support technique et je sais que cela fait partie de la formation .
برا خويا ربي يصبرك
@ مدون تونسي: صحة ليك يا خويا، احنا الانترنت ما عندنا كان الواطي هوني... ابداها م التدفق، لين توصل لجماعة السرفيس
@ أفر: معناها... ثمة عرس في الحكاية... جوووو
@ محارب قديم: شي يا خويا، نفس المشكل... تشكر عموما
@ أنفينيتي: هههههه، كلامك صحيح، تحسهم ما زعام كان في ضربان اللوغة (و تقولشي بش يعملولك درس محو امية في الأنفورماتيك)، و اللي بيه الفايدة يجيبوا ربّي...
حتى انا قرار خذيتوا ليّ مدة لا نطلبهم لا ندور بيهم.
@ لينا: أي، نعرف شكون ما يشم شي م الأنفورماتيك و أهوكة ليه ليه ما حفظوه كليمتين يقولهم و يخدم تابع السيرفيس تكنيك... و مدبّرها (على حسب كلامو)
@ باج: ربي يصبّرنا يا خويا
@ أنفينيتي: هههههه، كلامك صحيح، تحسهم ما زعام كان في ضربان اللوغة (و تقولشي بش يعملولك درس محو امية في الأنفورماتيك)، و اللي بيه الفايدة يجيبوا ربّي...
حتى انا قرار خذيتوا ليّ مدة لا نطلبهم لا ندور بيهم.
@ لينا: أي، نعرف شكون ما يشم شي م الأنفورماتيك و أهوكة ليه ليه ما حفظوه كليمتين يقولهم و يخدم تابع السيرفيس تكنيك... و مدبّرها (على حسب كلامو)
@ باج: ربي يصبّرنا يا خويا