|
الثلاثاء، جويلية 21، 2009
|
|
طلب منّي أنو نهزّو لقهوة مذخمة يوسّع فيها بالو على خاطر عندنا نهارين قاعدين هوني و هو الحق متاع ربي أول مرة تقريبا بعد درى قداش من عام عرس (أولادو اندادي محسوب) يخليهم وحدهم.
جانا السيرفور رمالنا هاك الاوراق ع الطاولة و مشي على روحو... من غير ما يقراهم قاللي: انا بش ناخو كوب ڤلاس كنت بش نقوللو انو الڤلاس هوني انواع، و ماذا بيه يقيس قبل ما يغيص، إلا انو الحماس متاعو خلاني نتردد... لحظة و عاود رجع هاك السيرفور، و من غير ما يسالوا ش يحب ياخو، و بنبرة كلها تبهبير قاللو: جيبلي كوب ڤلاس جاوبو: الله يبارك و ابتسم، و هو يكليكي على هاك الإيبود، بعد ما طلبت منو انا زادة يجيبلي كاس سيتروناد.  درج من زمان، و كان هاك السيرفور جايب الكوب ڤلاس، معاه كيف الشمعة تشعل... دوب ما شافو، شهق م الفجعة قال: ازززح، ش ثمة هذا الكل! منها ابتسم و هو يجبد في البورطابل و يكومبوزي في نومرو، قعد يستنى شوية منها قال: ألووو... أيّا وينك غمزني و هو يسمع في الرد ع التليفون قبل ما يجاوب: آه... استاحشتنيشي قعد يتهز و يتنفض و هو يهڤهڤ بالضحك قبل ما يقوللها: أنا تو قاعد في قهوة مذخمة، ثمة واحد يدندنلي بالعود في وذنيّ... و قدّامي كوب متاع ڤلاس فيه خمسة طيقان بش ناكلو وحدي و علّق التليفون، من غير حتى ما ينتظر رد او إجابة، منها ابتسم و هو يغمز فيّ و بنبرة مرحة يقوللي: هذيكة الليلة تقعد تفدفد م النغرة و سمّى بسم الله و هو يڤحر لهاك الكوب ڤلاس بعينيه الزوز و يقول: الهم... ش تحبلو هذا بش الواحد يكملو! |
|
كتبهاالبرباش
على الساعة
01:41
|
|
الاشتراك في:
تعليقات الرسالة (Atom)
|
chnowa barbech ma 3adech andik ma tektib?? chooof a5ir ta3li9 ala modawanit "chawxich fi idarit il hajb"
@ الغير معرف: لا لا، بالعكس... ما عندي كان ما نكتب
لكن ما عادش عندي وسع بال للكتيبة بصراحة... عندي حاجات ما أهم لاهي فيها المدة هذي.
bon courage ya 5ouya w5allina nasm3o a5barik dima 3addd
aparement il jins illatif 5dha wa9tik il koll :)
iwaaach! 7ata èna n7eb kes glace b 5 ti9an! déjà 3indi chkoun nkallem w n5allih yghazzel jem3a kemla mouch lila bark!!
ya3tik essa7a 5ouya el barbech w rabi y3inek 3alli mlahik 3lina
:))