|
الاثنين، ماي 18، 2009
|
|
جرات العادة، اننا نقولوا حل الصرة تلقى خيط... معناها الحكاية راهي فارغة. يمكن يتبع... يمكن لا
|
|
كتبهاالبرباش
على الساعة
03:04
|
عدد التعليقات:3
|
|
الخميس، ماي 14، 2009
|
|
من المبكيات المضحكات، و في خضم الستراس الكروي... و بعد تهنئة الترجي باللقب امام الرباعية قدّام النجم... بعض التساؤلات اللي يمكن أنها تعبّر عن حالة الوعي و اللاوعي اللي قاعدين نعيشوها. |
|
كتبهاالبرباش
على الساعة
20:59
|
عدد التعليقات:2
|
|
الأربعاء، ماي 13، 2009
|
|
بعد اكثر من ساعتين و نصف و انا نحاول في الكونكسيون بش نبعث فيشيي (416 kilo octets)... على غير فايدة.
 الجيمايل (X)، الياهوو (X)، الهوتمايل (X)، الفري (X)، حتى م السرفيس مايل متاعهم (هنا) رفض انو يبعث الفيشيي المحنون. حاولت مع البعض م السيرفيرات اني نقوم بإرسال الفيشيي... على غير فايدة. الوخيّان (اللي المزوّد متاعهم توبنات طبعا) اللي يستعملوا في بعض اللوجيسيالات كيف Outlook و Thunderbird لإرسال و استقبال البريد الإلكتروني، اكيد انهم تعرضوا مؤخرا لمشاكل في استعمال منفذ الـ SMTP الخاص بالتوبنات (smtp.topnet.tn:25)اللي يستعمل لإرسال الإيمايلات... مشاكل من نوع انو الكونسكيون مع السيرفر يلزمها باسوورد، او ثمة مشكل و الله اعلك بيه شنوة هو، اتصل بيهم توة يقولولك، او انو يبانلك اللي هو الفيشيي اتبعث، و يمشي في بالك انها الأمور الكلها في العنبر... تحلم، لو كان عندك الزهر، يوصل بعد ساعتين او ثلاثة، حسب الوقت اللي بعثتو فيه. نستعمل في الـ Thunderbird عندي فوق الثلاثة سنين، و الله غالب، قدّر عليّ ربي أني نكون من حرفاء التوبنات حتى من قبل ما ندخّل الـ ADSL... و اول مرة يعترضني المشكل هذا، حتى عملت تبربيشة صغيرة خفافي، ما لقيتش حتى حل مطروح للحكاية. عاد نرجع للفيشيي، كيف فاض بيّ سايي، و كلات بعضها بالتليفونات، حتى انّي خممت نهبط باللواج للسيد اللي يستنى في القضية متاعو و نسلمهالو يدا بيد (يبعد عليّ 60كم فقط، يعني ساعة مشي و ساعة جَيْ)... و بعد ما حاولت نطلب السيرفيس على غير ما حب حد يهز عليّ (و احسن أنهم ما كانوش موجودين، خير م اللي يجيني هاك الطفلة و إلا الطفل المتربّي و يقعد يفهّم فيّ كيفاش نحل الروتور و نسكرو و نحط الإيبي و نعمل ديسكوناكت، و نتفقد خيوط التليفون بالك ڤدمهم الفار، و في الآخر يقوللي انو مشكلتي مع التيليكوم)... .  بعثت الريكلاماسيون (المحترمة) هذي لجماعة التوبنات (عبر الموقع متاعهم طبعا) في وقتها (آمس مع الخمسة متاع العشية) a propos cette merde connexion... depuis 13h00... j'essaye d'envoyer un fichier de 400 kilo octets est-ce que c logique ça???? ça fait longtemps que votre service devient de plus en plus mediocre... ولّيتو كيف الفليّو... كل نهار تزيدوا عقدة نلقاهم اليوم (بعد قريب الـ 24 ساعة) مجاوبينني بما يلي: Cher Client, Nous vous remercions d'avoir contacté le support technique TOPNET. Faisons suite à votre mail , nous vous informons que votre débit actuellement est 512 ko vous pouvez le savoir à partir de l'interface de votre modem sinon à partir de téléchargement vous devez avoir un taux de transfert lors de téléchargement entre 40 ko et 55 ko . Nous espérons que les informations fournies répondent à vos attentes. Veuillez agréer, Monsieur, nos salutations les plus distinguées. Cordialement, Support Technique TOPNET ههههههه، وصلت المعلومة، يعطيكم الصحة ع الإفادة... و إن لم تستح، فافعل ما شئت. ملاحظة أخرى: بالله ثماش شكون وصلتلو الفاتورة متاع التيليكوم؟ |
|
كتبهاالبرباش
على الساعة
01:18
|
عدد التعليقات:9
|
|
الاثنين، ماي 11، 2009
|
|
عادة... تلقى ثمة درج في الكوجينة، فيه الملاعق (المغارف) و الشوك (الفراڤط) و السكاكن (جمع سكّين) بجميع انواعهم...
طبعا نحكي ع الاستعمال اليومي... موش ع المخبي اللي ما يتجبد كان في وقتو...  في القجر هذاكة، تلقى قرابة العشرة سكاكن، ما ثمة كان واحدة اكهو مكسّرة... ما نعرفش علاش بالزهر المقوّد متاعي... كل وين نمد يدّي في الدّرج بش نجبد سكّينة، ما اتطيح كان هذيكة في يدّي... عندنا أحنا يقوللك: شوية م الحنة، و شوية من رطابة اليدين... و هاك المصري قالها مرة: المتعوس متعوس، و لو علّقوا على رقبتو فانوس... فدّيت، ما عادش فيها... ملزوم ما نتصرّف، و اتصرّفت... لوّحتها في البوبالة.  عادي... سكّينة... سوّاقي... ماركة الأربعة بدينار... يقول القايل ش فيها! بالعكس... ارتحنا منها العباد الكل، هذا اصلا بالطبيعة إذا كان ثمة شكون فقدها من اصلو... لكن المشكل، أنو ولّيت كل وين نمد يدّي في الدّرج... نستنّى عبثا أنو نخرّج هاك السكينة المكسرة هذيكة... و تصيبني (لا أراكم الله مكروه) حالة معنوية أقرب ما تكون إلى الإحباط كيف نلقى السكينة اللي في يدّي لاباس عليها... و الأكثر من هكة، هاك السكّينة المكسرة... كيف كانت في القجر، مارجتلي الكبدة متاعي... و كيف لوّحتها، طيرتلي النفحة م السكاكن جملة واحدة  الحاجة الجديدة... العبد ما فيها باس كيف يعمّل على روحو شوية، موش لازم ديمة يلوّج ع السكاكن.و زيد... نلقى روحي ولّيت نخمم برشا، و نقيس و نغيص و نثبّت (و ساعات اكثر م اللازم) قبل ما نجبد اي سكّينة... م القجر. شكون يعرف! |
|
كتبهاالبرباش
على الساعة
03:30
|
عدد التعليقات:5
|
|
الجمعة، ماي 08، 2009
|
|
نفس القهوة، و نفس التركينة... آخر مرة كنا تقابلنا فيها ليها مدّة قلتلها: تي هكاكة و برّه. |
|
كتبهاالبرباش
على الساعة
06:19
|
عدد التعليقات:2
|
|
الخميس، ماي 07، 2009
|
|
يا هل ترى قدّاش من قطّوس... هازز وردة. |
|
كتبهاالبرباش
على الساعة
02:41
|
عدد التعليقات:2
|
|
الأربعاء، ماي 06، 2009
|
|
مقتطف من مطلب بعثوه مجموعة م التلامذة للمدير متاع الليسي متاعهم (ما قمتش بنقل المكتوب في المطلب حرفيا، لكن بعض مقتطفات مما و رد فيه)
 سيدي المدير (...) تلاميذ المبيت نطلب منك منحنا راحة استثنائية من الدروس يوم السبت 02 ماي و ذلك حتى نتمكن من الإستمتاع بالعطلة رفقة عائلاتنا. ملاحظة: عطلة عيد الشغل كانت يوم الجمعة 01 ماي (...) حميع التلاميذ و خاصة الذكور نطلب منك عدم وضع امتحانات يوم الثلاثاء 12 ماي لأنه يتزامن مع مقابلة مصيرية في البطولة و جميع الفرق، الترجي و الإفريقي معنيون بالأمر و لا نستطيع التخلف عن مشاهدتها و تشجيع فرقنا.  كما انه يمكن ان تؤجّل المقابلة ليوم الاربعاء 13 ماي... لذا عليكم اتخاذ الاجراءات اللازمة. و نرجوا أن لا تحرمونا من حقنا في إجراء الإمتحانات. ملاحظة: التلامذة مقررين انهم فاصعين مهما تكون الظروف... و قد أعذر من انذر ارحموا هذي الطفولة... |
|
كتبهاالبرباش
على الساعة
02:00
|
عدد التعليقات:6
|
|
الاشتراك في:
الرسائل (Atom)
|
