الأكيد، انو المدونين الكلهم قاعدين ياخذوا بعين الإعتبار مسألة التصويت على التدوينات... بما فيهم اللي يرفضوا مبدأ التصويت، مجرد الرفض يعني إتخاذهم موقف م المسألة هذي.

لكن المثير للإهتمام هو كيف يتحول (أو يكون بمعنى أدق) التصويت لهاجس... الهدف منو هو تحصيل أكثر ما يمكن من عدد من الأصوات... لهدف ما... و كيف ما يقولوا في العربية الفصحى: لغاية في نفس يعقوب.
على سبيل الذكر لا الحصر... مدونة خواطر مسلم سابق (هنا)لصاحبها عاشور الناجي


كيف نتاملوا في قائمة المواظبين على التصويت نلقاو بعض الأسماء اللي ما تصوّت كان لتدوينات عاشور، و مؤخرا اصبحت تقوم بالتصويت لبعض التدوينات الأخرى الماشية في نفس النسق و تمرر في نفس الأفكار اللي يحاول عاشور أنو يقوم بتمريرها...






الملفت للنظر هو انو بعض هؤلاء اللي قاعدين بصوتوا، غالبا ما نلقاوهم الأوائل في قائمة المصوتين على تدوينات عاشور


يعني يقول القايل تقولشي عليهم الجماعة شادة الصف تستنى في تدوينة عاشور وقتاش تهبط في التن-بلوغ بش يصوتولوا... تباعا



الملفت للنظر أيضا، أنو كيف نشوفوا البروفيل متاع الجماعة هاذم على تن-بلوغ، نلقاوهم مشتركين بإيمايلات وهمية...


ملاحظة: اضغط على الصورة للتكبير

يعني تنجمو تتاكدوا عن طريق الروابط هذي


- fawzibenyahmed: votes (ici) - profil (ici) - email (f@gmail.com)

- haffs: votes (ici) - profil (ici) - email (h@gmail.com)

- ouness: votes (ici) - profil (ici) - email (o@yh.net)

- hajri: votes (ici) - profil (ici) - email (h@gmail.coml)

- wannable: votes (ici) - profil (ici) - email (ww@yy.tt)

و اخيرا بعد التدوينة الاخيرة اللي تحدث فيها عاشور عن القوفرنور... برز مصوّت جديد على الساحة اللي هو:

- onourmal: votes (ici) - profil (ici) - email (onourmal@yahoo.fr)

> à noter que le profil du gouverneur est ounormal: votes (ici)

ملاحظة: نتأسف لبعض المدونين اللي استعملوا ايمايلاتهم الرسمية في التسجيل على تن-بلوغ و اللي يمكن انو قد يتم اكتشاف هويتهم عبر استعمال مثل هذه الروابط...

و حتى كيف نرجعوا للتدوينات اللي صوتوا علاها مدة لتالي، نلقاو معظمهم كان ما يصوّت كان على مدوّنة مسلم سابق فقط دون غيرها

ملاحظة: اضغط على الصورة للتكبير

الخمسة اللي تم ذكرهم، نلقاو أيضا فيهم حالة خاصة... السيد فوزي بن يحمد، المصوت دائما و ابدا لجميع تدوينات عاشور، كان ايضا في السابق غالبا ما يكون هو اول المصوتين على تدوينات عماد حبيب...


اتنجموا تتأكدوا عن طرق بعض الأمثلة (اللي هي التدوينات الأخيرة متاع عماد حبيب قبل ما يختفي، مخلفا وراءه صوتين لماسك المشعل عاشور الناجي) هنا و هنا و هنا و هنا و هنا و هنا و البقية هنا

ما عندي حتى تعليق على اللي ذكرتو... الفاهم يفهم وحدو، و زيد شوية الكلام اللي قاعد يدور في الكواليس متاع البلوغسفير... لكن بالله سبقوا حسن النّية دائما... خاصة انو الحكاية فيها عاشور الناجي، يعني انكم تسبقوا حسن النية و يا باب الله تحصلوا حويجة.


لكن فقط نحب نتوجه لحسين باعتبارو المسؤول الأول و الأخير على مجمّع تن-بلوغ...

كنت (بفتحة فوق التاء) عضوا في لجنة التحكيم الخاصة باختيار أحسن مدونة لسنة 2007... نفس هذه اللجنة اللي قامت بشطب مدونة ولد الحومة العربي اللي كان متصدّر للترتيب وقتها لاكتشاف تلاعب في النتائج (المتتبعين لحوارات مدونة الرديون ينجموا يرجعوا لكلام يسرى في الحوار اللي تم حول المسابقة هذي، و يسر هي زادة كانت عضو في لجنة التحكيم وقتها)

و لو انو الحكاية موش هي بيدها، باعتبار انو التصويت لا يشكل محور لأي مسابقة... لكن نورمالومون ننتظروا منك تصرّف تجاه المسألة هذي.

أقل حاجة يمكن انها تتقال في حكاية كيف ما هذي أنو من غشنا فليس منا...




و نتوجه كيف كيف للأخوات المدونات اللي يشكلوا الثلاثي متاع فريق المرح المسؤول عن مدونة ضد الطابور الخامس... بإحداث تصنيف جديد اللي هو:

يقاومون الغباء... بالإستغباء


كتبهاالبرباش على الساعة 10:01

تعليق Ashistic ...

بالنسبة لموضوع الهوس بالتصويت، انا كان عندي منو مللول بكل و يظهرلي هاذي حاجة عادية... لكن توة طارت النفحة منو.
و شخصيا انا مقتنع بان التصويت سواء كان في شكل إسهال او جفاف ما عندو ما يبدل... بون يمكن يعطي دزّة معنوية صغيرة للمدوّنّ خاصة في اول ايامو التدوينيّة اما خلاف هذاكة ليس له تاثير يُذكر و ما نظنش اللي ثمة شكون باش يقتنع بافكار مدوّن لمجرد ان تدويناتو ديما في صدارة التدوينات البوبيلار..
و الڢوتات راهي ارزاق و كل واحد باش يتصوّتلو كان اللي تكْتبلو..

16 مارس 2009 في 10:31 ص

تعليق غير معرف ...

3andek el hak ya berbech.ama ech t7eb ta3mel ?
ama rana nesannaw fil houma.ma tabtach 3lina

16 مارس 2009 في 1:53 م

تعليق غير معرف ...

Beau travail barbech :)

16 مارس 2009 في 2:06 م

تعليق kmr ...

ehhh oui!! bel 7ojja eddamigha zeda!!! :)

bravo ;)



ps: éna merte7 milk taswit, g jamais eu de compte pour les votes sur tn

16 مارس 2009 في 2:34 م

تعليق Tarek طارق ...

خدمة موزونة برباش... هذية ناس مرضى في أقل الأحوال... قداش من شخصية بش يتقمصو...

أنا نعاود إلي قلتو قبل موضوع التصويت إذا كانو ضروري و حسين شادد فيه الصحيح من الأفضل يكون فقط باسم المدونين المشاركين في تن-بلوغس.. كل مصوت عندو مدونة معروفة في تن-بلوغس

16 مارس 2009 في 3:12 م

تعليق البرباش ...

@ ميتاليستيك: صحيح كلامك في ما يخص الدزّة المعنوية الصغير في اول الأيام التدوينية... لكن يقعد ليه تأثير من بعد حتى أنو ثمة شكون يحاجج بعدد الأصوات..

ما تستغربش، ما تستغرب من شي في البلوغسفير هذي يا خويا.

و كيف ما قلت، الأصوات ارزاق... و إنما الأعمال بانيّات

16 مارس 2009 في 3:24 م

تعليق البرباش ...

@ الغير معرّف: نعرف انو عندي الحق، و إلا راني طبيت ببوشتي و قعد ساكت... و صحيح ما عندي ما نعمل، لكنها مجرد معلومة حبيت نقولها و اكهو.

بالنسبة للمسلسل، عن قريب غن شاء الله... الله غالب، خوك ممكون المدة ماعنديش برشا وقت.

16 مارس 2009 في 3:27 م

تعليق غير معرف ...

bravo

16 مارس 2009 في 3:28 م

تعليق البرباش ...

@ خنوف: شكرا ليك خويا

16 مارس 2009 في 3:29 م

تعليق bent 3ayla ...

ما اوسع بالك يا برباش يا خويا! شوف يا سيدي، و الله لا جا لبالي حكاية كيف ما هكا. نقول ديما خاطر جماعة الالحاد عندهم حركية ع البلوقوسفير.
اما تحب ولا تكره، التصويت عندو حسنة الي مزروب و ماعندوش الوقت بش يشوف اللي تكتب الكل يمشي يشوف سلكسيون متع القراء. و فكرة طارق عندي عليها تحفظ، اللي الجماعة القراء برك يخرجو م اللعبة.

16 مارس 2009 في 3:29 م

تعليق البرباش ...

@ خ.م.ر: بالسّفود، كيف ما يقول ما نعرفش عليه شكون

و الله ارتحت...

16 مارس 2009 في 3:32 م

تعليق البرباش ...

@ طارق: ربي يعينهم... و يزيدهم

بالنسبة لحكاية التصويت، نمشي معاك في الحديث، او على الأقل تولّي الحكاية فيها نوع م التثبت... يعني التسجيل في تن-بلوغ ما يكونش اوتوماتيكي.

يولّي حسين يثبّت في الجماعة اللي تحب تسجّل زادة، كيف ماهو عامل مع المدونات الجديدة... ربي يعطيه وسع البال

16 مارس 2009 في 3:34 م

تعليق البرباش ...

@ بنت عايلة: هذيكة، الحركة و قلة البركة... تسمع بيها.

بالنسبة لحكاية تحفظك على اقتراح طارق، ما نراش علاش التحفظ هذا... بما انو معظم اللي قاعدين يصوتوا، هوما م المدونين...
و البقية، اهوكة حسين ينجّم يوسّع بالو معاهم، و إلا تولّي الحكاية بالمعارف، ههههههه، و المدونين يبعثوا ايمايل لحسين يضمنوا فيها المصوّت هذاكة... ههههههه

16 مارس 2009 في 3:40 م

تعليق البرباش ...

@ مهدي: شكرا

16 مارس 2009 في 3:41 م

تعليق عبرات، ألم و أمل ...

أخ برباش،
شكرا على هذه المعلومات القيمة. صدقني لقد تواترت الأحداث بسرعة وفي كل مرة أجدني على ثقة من خلاصة مهمة "ثمة تلازم بين أزمتي مبادىء وأخلاق لدى قطاع واسع من ملحدينا و"علمانيينا"". لقد فكرت بعمق بخصوص كتابة تدوينة بالشواهد على ذلك ليس فقط من خلال ما يكتبه "أغبياء وحمقى البلوغوسفير" ولكن أيضا ما يكتبه هؤلاء الذين يعتبرون أنفسهم من "مثقفي الصالونات" ولكنني لا أعتقد أن ذلك سيضيف جديدا فقد قام عديد المدونين بفضح الكثير من السلوكيات المشينة والتي تعكس فعلا الضحالة الفكرية والمستوى الأخلاقي والسلوكي لهؤلاء الذين يتشدقون بالحوار والديمقراطية وحقوق الإنسان وعلوية القانون. كم هم بؤساء فعلا!
بالنسبة لتصنيف "يقاومون الغباء... بالإستغباء" فهي فكرة جيدة لكن ألا ترى أن بعضهم ينتمي لأكثر من تصنيف في وقت واحد. فثمة من يحارب الغباء (هذا إذا سلمنا بأن ما يحاربه فعلا غباء) ليس بالغباء والإستغباء والحمق فقط بل أيضا بالجهل والوقاحة والنرجسية والتطرف والصلف والتضليل والقص واللصق و"العصبية القبلية" و"عقلية القطيع"... ما الحل إذن؟ ههههه
في النهاية، وصلت إلى قناعة بأننا بالحديث عن هؤلاء نحن فعلا نعطيهم فرصة للبروز والإحساس بأن هرطقتهم وغباءهم فكر قابل للنقاش والتحليل. شخصيا، قررت أن أمر إلى صلب الموضوع لأنني أؤمن بما يلي: "لا تجادل الأحمق فقد يخطئ الناس في التفريق بينكما"...
شكرا على هذا المجهود الممتاز وعلى هذه البسمة المجانية التي أهديتها لنا بكل سخاء. كم هو جميلا أن تبدأ يومك ببسمة وتفاؤل. :-)

16 مارس 2009 في 5:38 م

تعليق tunisianblogger ...

يعطيك الصحّة يا برباش! هذي ضربة معلمية والاّ بلاش

16 مارس 2009 في 5:38 م

تعليق Zizou From Djerba ...

Aleche ena maysawatli hatta had?

16 مارس 2009 في 5:54 م

تعليق غير معرف ...

3amalt kima 9al morssi ezanati "7af2éssou
looooooooooooool
barbach 7élélna bureau mou5abrat stp 3andék l'étoffe mta3 mou7a9é9 dhki et efficace ;)

16 مارس 2009 في 9:35 م

تعليق Exquiza ...

bravo!! c est là que g compris ;)
ou éna kolt ech bih barbech et alors on vote ou pas c est pas grave !! walah chakaktni fik :)

franchement tu es tjs à la hauteur de ce que je vois en toi amigo!!

16 مارس 2009 في 10:45 م

تعليق Gouverneur de Normalland ...

و الله ما شلقت بيه هالأونوورمال الجديد الي يفوتي لعماد عاشور حبيب الناجي ... يضهرلي قعد شاهي نصوتلوا ... هههه

انا نطالب بالردع ...ضد سرقة الشخصيات و هالنوع من المراوغات ... ما نيش متحرك من هوني حتى يجي حسين بالباقة متاعوا و يجلمهم

17 مارس 2009 في 1:02 ص

تعليق البرباش ...

@ عبرات: عندك الحق في معظم الكلام اللي قلتو...
سعيد حدا انو تدوينتي كان ليها ع الاقل دور في أن تبدئي يومك بابتسامة و تفاؤل

17 مارس 2009 في 1:43 ص

تعليق البرباش ...

@ مدوّن تونسي: اهلا بيك... اللازم لازم يا خويا

17 مارس 2009 في 1:44 ص

تعليق البرباش ...

@ زياد: أبـّـــي... تي هاني انا قاعد نصوّتلك

17 مارس 2009 في 1:44 ص

تعليق البرباش ...

@ شادوو: ههههههههههههه....

أخطانا م المصاروة بالله، و المسرحية هذيكة و اللقطة هذيكة تفكرني بواحد، نتمنّى انو ينساني... هذاكة علاش موش بش نعلّق علاها

بالنسبة لحكاية التفتيش، تو نعمل مسلسل جديد... و نلعب فيه دور ادهم صبري... ههههه

17 مارس 2009 في 1:47 ص

تعليق البرباش ...

@ اكسكيزا: ههههه، عرفت انك بش تقعد متشككة م الإجابة متاعي في الاول... ع الأقل تو الحمدولله كيف اتضحت الرؤيا و فهمتني فاش كنت نقصد...

17 مارس 2009 في 1:49 ص

تعليق esprit primal ...

و الله يا برباش كل ما نقراك ... قلبي يوجعني

حرام هالمواهب الكل موجودة كان في التن بلوغ

تبارك الله عليك نعرفوا مواهبك في كتابة المسلسلات (بربي جرب حظك مع التلفزة لأن الي يكتبوا و يكسرولنا في كرايمنا ماهمش خير منك )و مواهبك في الكاريكاتور و خفة الروح الى جانب مواهبك التقنية الي يشهدلك بيها القاسي و الداني (حتى من الدكتور طارق) أما اليوم أبهرتني فعلا , على خاطر طلعت ديتكتيف طيارة و بردتلي على قلبي.

ca n'empeche
فما عبد يرقد ويقوم على تدوينات عاشور الناجي الي هي العبد لله ... خاطروا ولالي مرض مزمن و تدويناته هيجوا عليا الحساسية

و يعطيك الصحة على خاطرك قريب تلقى الزريقة المضادة بش كيف نحل التنبلوغس ما عادش تجيني جرثومة خواطر مسلم سابق في الواجهة

17 مارس 2009 في 1:54 ص

تعليق البرباش ...

@ القوفرنور متاع النورمال لاند: نوع من انواع الإستغباء اللي حكيت عليه و اتحدثت عليه عبرات زادة في تعليقها...

انا معاك زادة خويا في اللي اتطالب بيه، و نشري للتدوينة هذي كان لكشف "بعض" حقائق اما الجميع بش اللعب يكون carte sur table كيف ما يقول تيتوف...

كنت انجم نبعث إيمايل لحسين و نحط قدامو المعطيات هذي اللي في حطيتها في التدوينة، لكن الحكاية كانت بش تتعدى تحت حس مس... و هكاكة ما يكتشف حتى حد مدى تفاهتهم و غباوتهم

17 مارس 2009 في 2:01 ص

تعليق البرباش ...

@ الروح البدائية: يزّيني بالله، من شيرة قلبي يوجعني (و لو اني حارك و عامل الل عليّ) و زيد الشكر برشا برشا راهو يجد عليّ ( هههههه.. لين وجهي يحمار ساعات)

كيف الحكاية هذي بردتلك على قلبك (و لو شوية) هذيكة هي الفايدة... يزّي

ما تحط شي في بالك، الحكاية ما تستاهلش راهو...

17 مارس 2009 في 2:17 ص

تعليق Clandestino ...

bravoo berbech !!!!

17 مارس 2009 في 3:17 م

تعليق BYRSA ...

quel travail de titan

19 مارس 2009 في 4:25 م

تعليق غير معرف ...

برباش..إسمك على جسمك :-)

19 مارس 2009 في 10:20 م

تعليق Bachbouch ...

loool!
hak barbacht we l9it :)

20 مارس 2009 في 12:37 ص

تعليق البرباش ...

@ كلاندو: اهلا بيك

20 مارس 2009 في 12:39 م

تعليق البرباش ...

@ بيرسا: مرحبا بيك

20 مارس 2009 في 12:39 م

تعليق البرباش ...

@ الغير معرّف: ايـــــــــــــــــــه نعم!

20 مارس 2009 في 12:40 م

تعليق البرباش ...

@ بشبوش: التبربيش يجيب يا خويا

20 مارس 2009 في 12:40 م

تعليق يامن ...

يعطيك الصحة برباش على البوست و على إختيار الفيديوات

24 أوت 2009 في 10:13 م

تعليق Unknown ...

eehh, 3andi e7ssess kbir elli famma 7arfouch wa7ed bark 3amel barcha moudawnet we barcha profilet.

mba3ed 7asilou bech yotl3ou les blogs mte3 tn-blogs mte3 3 mel ness, 3emlin 1000 profile we 50 blogs lkoll wa7ed

25 أوت 2009 في 2:39 ص